Өнөөдөр

Өчигдрийн сүүдэр араас нь дагавч
Маргаашийн гэгээ угтан тосовч
Өнчин ганц-Өнөөдөр

Хүлээвч эс ирэх
Хүсэвч эс олдох

Хясал шиг-Өнөөдөр

Дотогшоо залгивч дүүрээд ирэх
Дотроо уйлавч хоолой гашуурах
Нулмис шиг-Өнөөдөр

Дарсны хатууг тогтоовч
Дэгжин түүнтэй цэнгэвч
Хагацал шиг-Өнөөдөр

Зулын гэрэл бөхөвч
Зуны нар буцавч
Учрал шиг-Өнөөдөр

Цэцэг хагдарч,үүл гарч
Бороо намдаж бодол хулживч
Мөнх бус үргэлжлэх-Өнөөдөр

Өнөөдөр минь, яг одоо би чамайг
Сүүлчийн замд чинь үдэж байна
Маргааш дахиад л учрах болохоор
Мартахуйн гүн рүү чулуу зүүн шидэж байна.
                                                           2000.8.15
                                                           2001.11.7